曼城當聯賽咁踢就掂

猪拉多纳

18/10/2011


曼城只曾在68/69年球季歐冠盃（歐聯前身）亮相過一次，當時首圈已被土耳其費倫巴治淘汰，事隔四十三年先再戰歐洲頂級賽事，難免有多少唔習慣，所以首兩戰都贏唔到，畀人有唔識踢歐聯嘅感覺。


兩戰不勝輸經驗


曼城陣中不少主力如高柏尼、巴利及米卡李察士等均缺乏歐聯經驗，而且今屆又抽籤不利，身處「死亡A組」，與拜仁慕尼黑、拿玻里及維拉利爾等歐洲賽經驗較豐富球隊比併，曼城明顯未知如何定位，就算球員質素贏晒，踢落亦有點進退失據，以致仲未開齋。




不過連續兩場不勝並非世界末日，事關只得一分嘅曼城，如今已經冇得諗太多，餘下賽事都要盡力求勝！事實上曼城確有足夠火力踢進攻足球，只要球隊有番清晰定位，並且視自己為一線球隊，要搞掂今晚對手維拉利爾唔難。