連贏四期手風順 白德民延續勝纜

猪拉多纳

　　大摩馬房在季初經常出馬不多，陣容成日係小貓三幾隻部隊，不過，成績卻不錯，好似啱啱先至捧走G3婦女銀袋。而做主任騎師嘅白德民，成績比波士仲好，手上已有9W，而佢對上4期賽事喼住有馬贏，當中更有兩期起孖，明顯近日手風幾順。

　　白德民今期出馬不多，4匹啫，不過，手上有惡馬，或可延續贏馬氣勢，而4匹坐騎分別係「生豪」、「新力飛」、「天賜福星」和「讚惑」。老實講，前駒泥地未跑過，呢對騎練一向又唔多合作，仲要喺1200米排11檔，就算阿Jack今期吼實白神父，都唔係盲目咁捧。

　　至於餘下幾駒，全屬波士馬房，隔晚最熱係「新力飛」，反而唔係有晒根據嘅「天賜福星」，又或者級數高嘅「讚惑」。呢匹馬泥地僅跑1場，而上季尾賽績又冇突破，復出竟然熱起上嚟，唔信完全因1檔效應，梗係有啲「風」！

　　而兩匹廐友，1匹有晒場地根據，係睇吓12檔會令發揮打幾多折扣，當然重磅亦可能有影響。另1匹轉場地贏晒級數，如果泥地啱跑的話，133磅一樣夠贏。　Jack