馬主論戰

猪拉多纳

試泥閘大把在手

　　今晚全泥宴，都係捧番啲泥地專家比較穩陣。鍾意第五場「聖迪達」，以往十二戰同程取得兩冠四亞四季，真係準到冇人有，繼續交由柏寶執韁，睇唔到有任何失準嘅理由，一於捧佢場。

　　另外推介尾場「大把在手」，呢隻馬泥地性能一流，六戰泥地1200米取得兩冠四亞，次次都入Q，表現一啲都唔簡單。上星期試泥閘一口氣放返嚟，狀態唔使擔心，應該可食尾胡。

張敬山

金獅駿將施回馬槍

　　剛啱郭立基起孖兼捧盃，表現真係夠晒搶眼，賭錢要跟紅頂白，今晚一於吼實佢啲馬。推介第三場「金獅駿將」，前仗贏得「超綵」、「森淼獵鷹」，依家個分點會冇着數？隨時可施回馬槍。

　　另外鍾意第七場「勝利旋峰」，上場響田草1200米贏到甩晒，跑到第三季終於現真身，以上場贏馬姿態計，上番三班跑根本唔會輸蝕，跑泥地一定啱發揮，可放心捧場。

任達華

沈集成拼勁十足

　　沈集成剛戰憑「朗天」食頭胡後，已連贏四個賽日。今晚沈廐只出兩駒，但都有一定機會，先講第四場「彩虹幻影」，上場初跑泥地閘前大幅落飛，結果追入第五，表現唔失禮，再跑泥地要吼實。

　　至於第七場「拼勁」，上場加眼罩跑泥地1200米，搶出後放到最後一段力弱，但開氣之後隨時有唔同演出，小心畀佢一放到底。

寇鴻萍、梁廷鏘