車仔撞散亨克 費托餓波踩行油

猪拉多纳

19/10/2011
文： 蘇豪

英超勁旅車路士今輪歐聯E組於主場撲擊比利時球隊亨克，車仔射手費蘭度托利斯餓波多時，今次復出有如猛虎出柙，大軍近期重現火力，今仗可望輕鬆大炒對手，「讓球主勝」值得捧場。




（有線62及202台周四凌晨2時45分直播）




「王子」費蘭度托利斯早前於聯賽對史雲斯被逐，搞到要坐波監，加上於國際賽周休戰，上次為球隊上陣已是上月歐聯對華倫。經過曼聯世紀Miss後，托利斯決心爭取表現，肯定會全力爭取士哥。另外，中場拉美利斯有傷在身，今場未必踢得，小將奧里奧爾羅美奧有機會落場，同樣會賣力表現身價，希望取悅主帥保亞斯。




車路士季初踢落唔算順，近期開始回復水準，對上兩場聯賽全勝，合共轟入八球，其中年輕射手史杜列治士哥停不了，狀態弗到爆炸，加上中場重心林柏特回勇，進攻火力肯定唔成問題，今場將會狂攻對手。


亨克3連敗作客聽炒


亨克近況低迷，連續三場輸波，而且於分組賽仲未入過波，明顯未夠班，今場作客實會捱打，大敗機會極高，車路士讓兩球都要「讓球主勝」。