南球盃巴西雙雄讓唔起

猪拉多纳

19/10/2011
文： 笛子波童

周中上演南球盃十六強賽事，要留意明早同時間開波嘅（三）25及（三）26為首回合，其餘皆為次回合。波童今日推介兩場首回合，巴西雙雄法林明高、聖保羅主場出擊讓波難靠，智利大學及利伯泰迪「+1」啱食。




（周四早上7時50分開賽）




法林明高聖保羅分心聯賽




先講法林明高主場鬥智利大學，法林明高上圈憑細哨朗拿甸奴包辦兩個入球，兩回合計以二比○淘汰帕拉尼恩斯，不過巴甲爭標已轉入最後直路，法林明高目前排第四、落後榜首哥連泰斯僅三分，而且下屆自由盃參賽資格亦未穩陣，對認受性較低嘅南球盃未必出強陣。智利大學目前於國內聯賽領先次席高路高路十分，壓力相對較細，而且對上兩圈四場比賽佢哋都冇失過波，防守非常穩健，相信今仗可保不失。




另一場聖保羅主場鬥巴拉圭利伯泰迪。聖保羅連續六場比賽末贏過，而且三場主場僅入一球，攻力疲弱。利伯泰迪係近年南美球會級賽事常客，見慣大場面，上圈兩勝哥倫比亞伊基達並保持一球不失，表現極具說服力，捧「讓球客勝」。（馬會網上文字直播）