華倫防線硬淨「客勝」圖「利」

猪拉多纳

19/10/2011
文： 阿占

歐聯幾組形勢都咬得好緊，例如E組嘅車路士、利華同華倫已經開始要為出線緊張，所以今晚利華主場迎戰華倫事關重大，可惜利華傷兵一個接一個，想贏真係唔易，小弟決定支持「讓球客勝」。




（有線63及203周四凌晨2:45直播）


利華古遜傷兵成籮


其實E組除咗車路士外，另一個出線席位基本上係利華古遜同華倫西亞之爭，嚟緊兩輪由呢兩隊互撼嘅比賽非常關鍵。講到整體實力同歐聯經驗，小弟覺得華倫西亞點都高一皮，事實上由列卡度哥斯達、阿爾拉米等國腳級猛將率領嘅防線一直都咁穩陣，要攻陷佢哋唔係易事，今季強如巴塞同車仔都贏唔到佢，就知靠得住！




利華古遜本身班底唔錯，不過繼門將艾達同中場巴尼達後，核心人物連拿度奧古士圖日前亦落實要做膝部手術，睇嚟有排休養。以利華依家嘅兵源，想同時兼顧德甲同歐聯真係較為吃力，而且近況又差，今場想贏華倫恐怕有心無力喇！