法林明高 利伯泰迪有得諗

猪拉多纳

19/10/2011
文： 自由恆

南球盃冠軍雖可直接取得來年自由盃參賽資格，不過重賞之下未必有勇夫，佢嘅地位同歐霸盃差唔多，列強唔一定強陣出擊，所以捧場前要好小心。


細哨正選捧得過


就好似法林明高，本來就冇乜意思爭南球盃，事關佢哋現階段仲有機會爭取巴甲冠軍，聽朝16強首回合主場迎戰智利大學，本來唔值得捧場，不過一對星級中場朗拿甸奴（上圖左）同埋堤亞高尼夫斯嚟緊聯賽都要坐波監，倒不如索性畀佢哋今仗打正選，若如願入番3幾球，咁下周中嘅次回合就可以安心留力，1.65倍主W值博。




（開賽時間：周四早上7:50）


聖保羅群龍無首


相比起法林明高，另一巴甲勁旅聖保羅就無心戀戰，聯賽6場不勝後，教練艾迪臣巴迪斯達啱啱被炒，成為今季巴甲第25位收到大信封嘅教練，聽朝主場迎戰連續兩屆殺入自由盃8強嘅利伯泰迪，完全談不上優勢，要2.5倍「讓球客勝」。（開賽時間：周四早上7:50）




足球重心：法林明高（勝）、利伯泰迪（讓球客勝）




馬膽推介：3場4 金獅駿將

今季首戰於谷草短途輕勝，有回光之勇，上場被頂出外疊先至輸得遠，過往跑泥地亦有過好表現，排好檔有一定冷味。

足智彩晉級球隊賠率

（三） 23 沙蘭迪兵工廠 Vs 奧林比亞會 主隊1.59倍 客隊2.20倍

（四） 27 秘魯體育大學 Vs 葛度爾古斯 主隊1.85倍 客隊1.85倍

南球盃賽制：

今輪為16強賽事，採主客制兩回合淘汰賽，若兩回合總比數賽和，以作客入球較多一方為勝。若作客入球數字相同，則在次回合90分鐘後，互射12碼分勝負。