唔信數據博科隆讓球勝

猪拉多纳

22/10/2011
文： Wendy

我貼波一向着重實力分析多過參考往績數據，尤其係兩隊對碰嘅戰績，我覺得通常都唔啱用，因為每隊波年年狀態都唔同，就算近十年嚟A隊食住B隊又點，唔通咁就代表一定可以繼續食住落去咩？當然，我唔係完全否定數據嘅作用，亦相信有人睇數據都可執到好嘢。




如果睇數據，今晚科隆作客多蒙特實冇得贏，因為賽績上佢哋多年嚟去到多蒙特主場都要輸波，但我今仗睇好科隆可以打破數據，捧「讓球客勝」。（有線61及64台周六晚9時30分直播）


多蒙特走晒樣


點解咁講？呢場波主勝個賠率得1.19實在太熱，大家唔好唔記得今季多蒙特已經走晒樣，九場聯賽輸過三場，喺主場亦輸過畀哈化柏林，咁都要開咁熱，大家話抵唔抵買喇？周中佢哋已經踢咗場歐聯，以1:3不敵奧林比亞高斯，出線機會大減，呢個打擊都好大o架，身心疲累下，今晚對科隆未必可踢出水準。




科隆上輪又贏漢諾威2:0，即使路華高域缺陣下，對整體發揮亦冇咩影響。科隆今年嘅問題只係唔太穩定啫，有心想贏嘅場次，佢哋會踢得好落力，但間中又會有欺場情況，蠱惑味濃。但呢場話晒都係北威州打吡戰，加上多年來畀多蒙特食住，佢哋又點會出蠱惑？陣中最「弗」嘅梗係要數普多斯基，佢無論喺球會同國家隊都有貨交，今晚食胡就靠佢喇。


有線球彩台主持Wendy


熱愛舞蹈的Wendy，04年歐國盃Euro Babe變身成為有線球彩台節目主持，當初對足球猶如混沌初開，依家已滾瓜爛熟，最愛暢談波經。




Wendy推介：科隆 讓球客勝

phone波熱線：1831 678

電郵：soccer64@cabletv.com.hk

開放時間：「超級星期六」晚上9:00至深夜2:30