紐卡素辣盤唔怕根

猪拉多纳

22/10/2011
文： SAMVO肥叔

周中歐聯大戶與莊家搏錘，我哋行內稱之為「蛇貨」嘅內幕重注場合，好似波圖、巴塞、巴迪全部失手，累到唔少跟風客焦頭爛額，所以有時賭波嘅嘢，最緊要係夠冷靜心水清，切忌人云亦云，能夠做到緊貼市場之餘，保持頭腦清醒，咁先可以無往而不利。




講番今日推介，肥叔集中畀英超同德甲。紐卡素主場對韋根，即使「喜鵲」讓到一球咁辣，仍睇好紐卡素。紐卡素今季表現脫胎換骨，聯賽至今未嘗一敗，上仗對熱刺受到好大考驗，但喺兩度落後情況下都追得番，反映呢隊波真係好硬淨，面對降班膽韋根有力贏波贏盤。




（有線200及300台周六晚10時直播）




另一場保頓主場對新特蘭，保頓前排表現麻麻，但上場作客擊敗韋根後打番起信心，有力延續氣勢。新特蘭都係主強客弱，今仗保頓主場讓平半，上盤值博率甚高。


凱沙追擊弗賴堡


德甲方面，肥叔今季真係好欣賞慕遜加柏，呢隊波勝在夠實幹，防守又做得好，話晒係德甲二哥，今場作客對住水準飄忽嘅賀芬咸有得受讓半球，梗係捧下盤。至於凱沙羅頓主場對弗賴堡，凱沙一向靠主場搵食，弗賴堡作客三連敗捧對家。




此外，漢堡亦有回勇之勢，不過呢隊波始終問題多，並非一朝一夕可解決，既然攻力強咗防守問題又未解決，呢場一於向大盤埋手。

肥叔心水

狼隊大

慕遜加柏下盤

凱沙羅頓上盤

保頓上盤

紐卡素上盤

漢堡大