艾華爾保地花高駁火吼大

猪拉多纳

22/10/2011
文： 洪心Dee

巴甲鬥到最後直路，排第3嘅保地花高嚟緊作客對艾華爾，必定以3分為目標。主隊近況一般，不過同樣要為護級搏老命，即使實力上有差距，相信都唔會坐以待斃，預料雙方均戰意鮮明，爭入球意欲大增，咁不如捧入球大仲划算！（開賽時間：周日凌晨4:00）




保地花高作客表現不穩，近10場作客都係得5勝5負，勝率得一半半，防守上更時有甩漏，呢10場就失夠14球。雖然作客冇乜優勢，但佢哋為咗力爭巴甲錦標作客都要焗攻，食粥食飯就要睇前鋒艾比奧呢班攻擊球員。




至於排喺巴甲尾二嘅艾華爾，家陣每場都為護級掙扎求勝，近期不停同對手上演入球騷就知爭勝決心有幾大，佢哋近4場至少入2球，但衰在好多時前面入埋唔夠後面輸，好似上場作客國際體育會就輸2:4，既然雙方都係有前冇後打死罷就，入球大無問題啦！