京城精英五班着數

猪拉多纳

　　快活谷C欄賽事，會唔會好似上期B欄咁，放嗰匹實唔可以帶到，真係要睇清楚。不過，假如天雨持續，場地受到影響的話，唔爆就奇，因為，隔晚部分熱門，一係喺淋地冇乜證明，再唔係就屬於後上型，你話嗰場形勢一唔就，仲唔即刻企喺度。所以，落雨細濕，用忍戒急！

　　第一場五班1200米。「京城精英」初出冇表現，真係好正常，因賽前唔多辣操，又曾經喺暑期缺過課，點會跑得好。不過，有過1場熱身，情況可能唔同，此外，轉戰此程，亦會比1000米好，老老實實，上季喺第2仗又係跑此程，結果跑第三，輸畀「新薪」和「卡加小子」。依家喺五班，點會唔筍，有番八成功力，可能綽綽有餘。

　　第三場四班1200米。「閃耀小子」獨贏賠率唔會好分，兩倍貨仔就梗，勝在演出穩定，今季跑兩場，冇W有Q。雖然，跑至第3仗，體力頂唔頂得順，冇人可以保證，有接近3個禮拜休戰，希望補充到，總之，柏寶未肯放手，應該會搏埋今場。

　　第八場三班1650米。一向唔係咁喜歡「帝豪名駒」，因為，此馬性格唔忠心，演出好大波動，但又經常惹飛，唔係馬友們投X恩物。不過，從近兩仗所見，罕有地可以打叠兩場跑得好，上場喺直路又係一枝箭咁標上嚟，而點解跑得咁好，場地變化應該係主因。難得今晚可能有雨，正中下懷，東廐馬用得韋達，更加係出擊訊號。

點買法

　　頭尾場心水馬「京城精英」與「帝豪名駒」，1隻有班，另1隻有地利，獨贏2X3過關，靠佢哋嘞。而重點QT場次揀第三場，揸熱膽，拖幾匹冷嘢，希望有驚喜。

資深評馬人　陳華棟