康樂名駒收復失地

猪拉多纳

　　第四場的出賽馬陣容可謂熟口熟面，細心一看，原來「橫亨」、「暖在心頭」、「贏啲啲」、「康樂名駒」及「恭喜發財」剛於10月6日的谷草五班1800米交手，最終由「橫亨」、「康樂名駒」及「贏啲啲」順序包辦三重彩；既然今仗再於同程相遇，而該三駒賽後的加分不多，是否值得秤先？

　　「橫亨」當時受讓「康樂名駒」四磅，最終在吳嘉晉胯下險勝頸位而回，「贏啲啲」則落後半個馬位跑第三，但「贏啲啲」排三檔兼配梁家俊有磅可減，今次重配都爾無磅減之餘，於C欄C+3彎跑道排十二檔亦極之不利，看來今仗不易贏馬補中。至於「康樂名駒」上仗讓「橫亨」四磅僅敗，但這次前駒只讓一磅，隨時可反先。

　　根據資料顯示，「康樂名駒」以往配韋達四次得兩亞兩殿，足證一見此對人馬合作已要吼實，而告達理最近替「康樂名駒」出王牌報跑谷草賽事時，牠的上名率亦理想，加上今仗轉排三檔起步，形勢較上仗的七檔更理想，故結合上述各項有利數據之後，「康樂名駒」最適合作為第四場的四連環重心。

歐陽志恆