日乙冇降班岐阜大無畏

猪拉多纳

26/10/2011
文： 蘇豪

日乙周中開快車，先睇現時形勢，於前四升班下，榜首ＦＣ東京甩開第四位札幌岡薩多超過十分，基本上穩奪升班席位，二至五位球隊只有六分之差，嚟緊場場都要搏。不過戰意同戰績冇直接關係，有戰意唔一定贏得，冇戰意亦非必敗，不宜過分側重此因素。




講番今次推介，包尾大幡ＦＣ岐阜主場對北九州向日葵，捧大！日乙今季並無降班制度，ＦＣ岐阜依家雖然包緊艇，但並冇任何壓力，可以忘記所有煩惱，盡情享受足球。大軍近期只攻不守，對上四場聯賽攻入九球，同時勁失十七球，包括上輪對湘南比馬大敗一比七，完全不設防，今場唔會縮番轉頭，現時大盤分頭好，絕對值得留意。（周三晚6時開賽）


溫泉橫濱炮製入球騷


跟住再睇另一場例行公事，草津溫泉主場對ＦＣ橫濱，又要大盤！溫泉近期攻強守弱，對上三場聯賽轟入九球，三場波同樣失兩球，入得又失得，踢法非常性感。




ＦＣ橫濱狀態極沉，作客仲完全唔識守，對上六場作客狂失廿球，其中五場開大，數據硬淨。兩軍同樣冇晒壓力，可以放開懷抱鬥攻，預期今場亦會有大量士哥，大盤捧得過！




（周三晚6時開賽）




日乙推介

FC岐阜 大

湘南比馬 大

草津溫泉 大