軍士傳捷報 賀賢王志偉Happy Birthday

猪拉多纳

今日是賀賢四十八歲牛一，其父專程來港為兒子慶祝生日，昨晚齊齊入場睇馬，結果賀賢並無令自己及老父失望，憑王志偉策騎的「軍士」贏得季內第八Ｗ。值得一提的是王志偉亦將於本月三十日牛一，兩人夾手夾腳為自己帶來生日禮物，可喜可賀。
       

王志偉今季否極泰來，轉眼已勝出四場頭馬，於周日廿七歲壽辰前夕，憑「軍士」再添勝仗，同主的「軍花」亦拚入亞軍，演出可人。
       
賀賢有老父來訪，即以軍士（8號）贏馬賀壽。

王志偉對「軍士」有以下評價：「此駒頗為忠心，上仗憑新鮮感跑嫌短的一千米仍上名，狀態來得早，今仗轉爭千二自然更合腳法。此駒遇合適步速經常能交出良好衝刺，今仗形勢配合，忠心馬表現令我滿意。」
       
王志偉今季已贏到第4W。
苗禮德又食頭胡咁都得

今季頻頻食頭胡的苗禮德，繼上周日憑「幸運紀錄」建功後，昨晚再有「咁都得」先拔頭籌，馬兒大熱順利連捷，賽後苗禮德指此駒質素並非太差，今季開始成熟進步，可以反彈取得兩W，非常合理，不過練者認為贏完今仗後就要在五班孭重磅，再贏難度不低，但仍會安排牠在擅長路程爭功。