飛燕諾「-1」高回報

猪拉多纳

27/10/2011
文： Combo King

今晚又有荷蘭盃玩，幾場波牌面睇落強弱懸殊，但到底係咪咁易搞呢？度完一大輪之後，阿King認為飛燕諾最穩陣，呢班波喺聯賽搵唔到食，實想喺盃賽發圍，今次作客乙組仔伊高斯贏得，「讓球主客和」讓一球，捧2.02倍「讓球客勝」。（周五凌晨2時45分開賽）




近期足智彩開埋荷乙，聽晒身邊菠菜人士意見後，普遍都話係好事，雖然大家唔熟啲球隊，但呢個賽事勝在多波入，絕對係大盤客搵食最佳賽事。阿King仲有多少保留，始終荷乙整體水平唔高，球隊演出波動較大，投X價值唔算特別高，偶然可以玩吓，但絕對唔係重心搏殺場合。




講番今次荷蘭盃第三圈，飛燕諾作客伊高斯，有朋友擔心飛燕諾唔重視盃賽，有機會派副選，其實呢班波已經唔係荷甲頂級球隊，近幾年喺聯賽無力爭冠，再唔把握機會喺盃賽搏殺，隨時畀球迷詐型。以波論波，兩隊級數差一大截，飛燕諾贏波機會好高，「讓球客勝」分頭過兩倍，值得一試！


禾寧丹「大」有可為


跟住再睇多場，乙組仔多德勒支主場對荷甲「一哥」阿爾克馬爾，牌面睇落冇得打，但要留意一點，阿爾克馬爾本身要兼顧聯賽同歐洲賽，未必有餘力爭國內盃賽，今場讓得多要小心，入球大細中位數改為3.5球，博細盤！另外，禾寧丹係開大專家，今次作客奈梅亨可以繼續追大盤！