飛燕諾復甦炒起伊高斯

猪拉多纳

27/10/2011
文： 郭球奇

荷甲傳統「Big3」之一嘅飛燕諾終於復甦，今晚喺荷蘭盃第3圈作客乙組仔伊高斯，相信一定大開殺戒，2.02倍「讓客」用嚟做過關變倍器啱數！（開賽時間：周五凌晨2:45）


同荷盃特別有緣


經歷過數季低潮後，飛燕諾今季終於叫做有番啲起色，啱啱喺荷甲作客打和死敵阿積士1:1，自05至06年球季後首次喺對方主場成功搶分。雖然依家仲落後榜首阿爾克馬爾7分，但聯賽爭冠之路漫長，相信新教頭朗奴高文嚟緊應會先將目標放喺荷蘭盃身上，畢竟呢個盃賽同飛燕諾幾有緣，對上4屆就取得1冠1亞成績。




至於荷乙球隊伊高斯今季大事擴軍，可惜效果麻麻，日前作客同級球隊鹿特丹斯巴達更大敗1:4，喺荷乙18隊中暫列12位喺中下游徘徊，試問仲邊有心機爭荷蘭盃？事實上，伊高斯喺近4屆荷蘭盃除09年突然發威殺入4強外，其餘都早早出局，今晚對住質素明顯高一皮嘅飛燕諾，輸少當贏啦！