博曼聯小勝派糖

猪拉多纳

29/10/2011
文： 樂比堅尼

另一場曼聯作客對愛華頓，博「紅魔鬼」小勝。曼聯上場聯賽慘敗曼城一比六，今仗肯定會加強防務，適逢愛華頓今季入球能力大減，早場兩隊踢法亦會較為謹慎，一於捧細盤，再小敲曼聯W。




樂比仔成日都話，踢早場入波通常都唔多，以今季為例，至今共有十場英超安排喺香港時間八時前舉行，結果有八場開細，僅得兩場開大，而曼聯今季試過一次踢早場，愛華頓則有兩次，三場波最終都係開細盤，可見呢個論證站得住腳。




其實呢個道理好簡單，球員都係人，佢哋一樣有生理時鐘，中午時段開波，大部分球員未在狀態，所以都會比較遲入局，而且天氣冇咁涼爽，唔多唔少都會影響咗球員嘅表現。


愛華頓跌Watt難入波


事實上，曼聯近年作客愛華頓都踢得相當辛苦，近三次作客葛迪遜公園都未贏過，但愛華頓今季表現跌Watt，而且曼聯上次聯賽慘敗畀曼城，所以紅魔鬼嘅反彈能力應比較強，預計曼聯今仗會踢得比較保守，但求以三分為目標，首要任務係做好防守先，相信唔會有太多入球出現。




愛華頓受財困影響，今季球員有出冇入，實力大為削弱，能夠保住中游位置已算有交代，想衝擊歐洲賽席位可以話冇可能，拖肥糖防守其實唔錯，可惜前線欠入球能力，兩名前鋒沙夏同卡希爾加埋都係入得一粒，想攻破紅魔防線都幾難。