諾域治齊心踩多腳

猪拉多纳

29/10/2011
文： SAMYO肥叔

英超富豪球會曼城上周狂數曼聯，即時畀人捧到上天，呢班波現時銳氣正盛，但聯賽係長途戰，到底能否捱到最後仍屬未知之數，畢竟大軍欠缺爭冠經驗，鬥到關鍵時刻隨時腳軟。曼城備受熱捧，今輪對狼隊讓超過兩球太多，可博下盤，兼顧大盤。




講番今次重心推介，諾域治主場迎戰布力般流浪，捧主隊！布力般流浪獲印度老細入主後愈搞愈衰，教頭冇料又唔換，完全漠視球迷訴求，冥頑不靈，真係衰到冇朋友，睇個款都係降班格。諾域治實力只屬有限公司，勝在實而不華，上上下下一條心爭勝，淨計呢點已經贏晒，今次主場出擊讓到半球，個盤非常硬淨，飛數又對辦值得留意。




（有線203及303台周六晚10時直播）


史雲斯讓唔起保頓


同日史雲斯主場對保頓，要客隊！保頓季初聯賽成績唔掂，有唔少人認為球隊會降班，部分莊家甚至調低佢哋嘅評級，前景備受睇淡。不過，一班大戶冇睇死保頓，本周中於盃賽大力支持佢哋，雖然球隊最終輸波，但表現絕對唔曳，以大軍本身人腳絕對可企穩中游，今場只要踢出水準，對住史雲斯絕對有得打，受讓盤口有利一試無妨！




（有線202及302台周六晚10時直播）


肥叔心水


曼聯 上盤

漢諾威 下盤

史特加 下盤、大

狼隊 下盤、大

諾域治 上盤

保頓 下盤

基達菲 下盤