九駒齊出陣容勁 大摩搶兩大盃

猪拉多纳

　　今日有兩項重要錦標賽，1200米精英碗及1600米沙田錦標，唔少大馬房都重兵駐紮，像東廐兩場皆會雙龍出海，蔡廐更出動不敗之師「XX繽紛」，另1場更以4駒出迎。

　　不過，講到最叠馬都係大摩，佢喺精英碗嗰場出夠6駒，另1場亦出3駒，兩項盃賽一共9件，認真大陣仗。而佢向來有盃王美譽，出得咁多馬，擺明想擸晒兩盃走。

　　精英碗6駒之中，主副地位唔易諗，係咪白德民嘅「共創未來」係主力？真係唔敢擔保，事關廐侶「新力勁」同巫斯義好夾，「步步快」上季尾忽然醒晒，不過，點講都好，上述3駒同樣具資格挑戰台柱「XX繽紛」，且看大摩出咁多馬，有冇本事打低蔡神仙。

　　而沙田錦標嗰場，摩廐「步步穩」、「魔法幻影」及「軍事攻略」，其實件件咁惡，更難分真命天子何在！因為眾所周知前駒此程實力有幾勁；「魔法幻影」既有級數，而有新鮮惑縮程，後勁一樣犀利；「軍事攻略」剛仗賽後畀人抽秤，換番主帥應會醒醒定定。左計右計，都係整條鐵角鴛鴦Q，可能有收穫。　

Jack