大摩緊張軍事攻略

猪拉多纳

　　今次沙田十一場草地賽事，蔡約翰、大摩、告東尼三大馬房皆出強陣應戰，且不乏明星馬在陣，應有一番龍爭虎鬥；不過馬多眼亂，容易誤中副車，小心推敲為宜。

　　大摩坐擁多匹佳駟，養兵千日，志在於大賽日揚威並爭取豐厚獎金，今日必發動攻勢。第十場沙田錦標，摩廐「軍事攻略」挾上季冠軍一哩賽冠軍之名而來，經過上仗熱身後，狀態起得甚佳，昨朝由副練出外圈踱步加課，課後大摩及白德民一齊睇馬，動靜極為緊張。今日此駒增程跑1600米，必更合其發揮，有望奪標而回。

　　另外，韋達剛戰復出即四喜臨門，認真威水；今日田草賽事，此君手上亦惡馬如雲，隨時又可連番數胡。

　　韋達坐騎之中，要留意出爭第九場精英碗的「XX繽紛」，此駒八戰八勝，氣勢正盛，今回轉戰1200米，排得一檔起步，有力取得九連勝。至於出爭第十場的「川河勁駒」已告回勇，縱然面對一眾惡馬，亦有機會爭入三甲。

　　列陣尾場的「新希望」，韋達超磅亦要騎，已彰顯決心，雖然今次升班作賽，但此駒亦較上仗少負十七磅，應冇連捷阻力。

韋柏