捧拉素w

猪拉多纳

30/10/2011
文： 巨高

本周意甲壓軸好戲，由卡利亞里主場對拉素。拉素今季都幾怪，作客成績比主場更佳，今場到訪撒丁島有望贏波攞晒3分。卡利亞里雖然排行積分榜前列位置，但其實聯賽勝出率唔高，主場因素似乎幫唔到幾多。今場巨高大膽推介拉素「客W」，有2.62倍相當值博。（now 633周一凌晨3時45分直播）




今季拉素踢客場波特別醒神，聯賽4場作客取3勝1和，以咁嘅走勢，今仗贏埋卡利亞里一啲都唔奇。另外拉素賽前有好消息傳出，巴西籍進攻中場靴蘭尼斯傷患唔算嚴重，今晚好有機會踢正選。呢位森巴兵箍波能力極強，普通攔截根本擋唔到佢，今晚球隊靠晒佢組織有效攻勢。


高路斯持續有貨交


講到進攻，就不得不提高路斯。好多球迷都擔心德國射手年紀漸大，好難適應新環境，但佢就以良好演出話畀大家聽33歲仍然寶刀未老。難怪老教頭里查都大讚佢有料到，仲有爭意甲神射手嘅實力。拉素進攻「架生」齊備，卡利亞里後防今場將會好惡頂。




卡利亞里暑期最大損失，就係鋼門馬捷迪轉投到拉素，防守力自然大打折扣。另方面，球隊近3次主場不勝兼冇入球，主場威力似乎冇上季咁強，主場輸畀拉素唔會令人意外。