華倫誓破利華脫火海

猪拉多纳

01/11/2011
文： 法比加輝

歐聯分組賽踢到第四輪，列強合演多場關鍵六分波，全力搶分爭出線。G組榜首塞浦路斯球隊尼科西亞同榜尾烏克蘭代表薩克達只差三分，場場都屬生死戰，同組葡萄牙名牌波圖將會傾力爭勝，避免爆冷出局。另外，E組西甲勁旅華倫西亞及F組德甲盟主多蒙特等實力分子形勢不妙，亦要瞓身搏殺，激戰連場，精彩可期！




E組賽事，西班牙球會華倫西亞主場迎戰德國球會利華古遜。經過三輪分組賽後，「蝙蝠兵團」仍未能打開歐聯勝利之門，現時僅得兩分在手，落後次席利華古遜四分，所以今場贏唔到都好麻煩，華倫一定「豁出去」爭勝！利華有波歷克上場撞爆鼻上陣成疑，好可能少了大將領軍，加輝建議簡單捧主勝。




（有線62及202台周三凌晨3時45分直播）


華倫3戰得2分不容再失


華倫在歐聯分組賽形勢不妙，三戰後僅得兩分，最弊係車路士與利華古遜分別已取得七及六分，大大增加了華倫出線難度。由於華倫上輪輸畀利華古遜，若然「蝙蝠兵團」今場贏唔番佢哋嘅話，首先對賽會輸蝕，而且又未能拉近距離，要出線就會變得渺茫，預計華倫今場會去盡爭勝，鬥心有保證。


利華波歷克爆鼻或缺陣


再者，華倫近況確實唔差，近兩場聯賽都贏波，其中法國中場菲侯利上場更梅開二度，狀態甚勇，而且球隊近期兵源充裕，只得借將簡拿利斯因傷缺陣，基本上都可以「夫添」出戰。




反觀利華古遜就有可能損失中場大腦波歷克，呢位前德國國腳上場對弗賴堡撞爆鼻傷出，雖然佢有隨隊到西班牙備戰，但落場機會唔大。波歷克係利華陣中最具歐洲賽經驗嘅球員，對亨克時亦有「士哥」，若然少咗「波仔」嘅話，點都有多少影響。加輝睇好鬥心較高兼擁主場之利嘅華倫可報回一箭之仇，捧主W。