車路士翻炒亨克出氣

猪拉多纳

01/11/2011
文： 樂比堅尼

歐聯E組分組賽，車路士作客對比利時亨克。車路士剛於英超倫敦打吡戰不敵阿仙奴三比五，領隊保亞斯話唔會改變主攻嘅作風，今仗作客亨克，肯定繼續狂攻，彌補番上場輸波嘅創傷。觀乎亨克首循環慘吞車仔五蛋嘅表現，今仗再次大敗一啲都唔奇，樂比仔首選1.54倍嘅大盤。




（有線63及203台周三凌晨3時45分直播）




車路士上仗分組賽主場大破亨克五比○，若非上半場已領先四粒，下半場留有一手，亨克隨時以更大比數落敗。有睇呢場波嘅朋友應同意，兩隊完全唔同級數，即使亨克今仗有主場之利，但都好難有奇迹出現。


亨克新星過檔藍戰士


事實上，亨克上季攞完聯賽冠軍之後，多名主力已離隊，包括門將泰拔高圖爾斯被車路士羅致。另外有消息指年僅二十歲嘅新星奇雲迪布尼，亦有可能於一月過檔，兩隊關係咁密切，亨克有冇故意放水，真係要問佢哋至知！




車路士近三仗未能於法定時間贏波，領隊保亞斯上場輸畀阿仙奴，更破口大罵球員演出，樂比仔深信佢一定會以一場勝仗為球隊減壓，亨克絕對係魚腩之中嘅魚腩，今仗機不可失，一於捧大盤啦！