柏辛域陀尼亞博大霧

猪拉多纳

01/11/2011
文： 肥叔

今季英超賽果真係難估，上周倫敦打吡戰阿仙奴竟然能夠大炒車路士，真係估佢唔到！「兵工廠」經過一輪低潮後，近期已經逐步復甦，呢班波本身底質唔曳，調整過後可以回氣再上，今次於歐聯對住馬賽又係「餐士」面，絕對值得留意。




講番今次重心推介，捷克勁旅柏辛域陀尼亞挑戰西甲班霸巴塞隆拿，要大盤！柏辛域陀尼亞論級數梗係同巴塞差一大截啦，但呢班波踢落唔曳，上次作客巴塞輸得唔難睇，今次返到主場實會同對手死過，預計雙方會有唔少士哥，先揀大盤。另外，巴塞作客讓得太多，下盤亦博得過。




（有線64及204台周三凌晨３時45分直播）


修咸頓穩定值追


同日仲有場英冠賽事值得留意，修咸頓主場對彼德堡，捧主隊！次級聯賽球隊水準飄忽，好少可以保持穩定表現，修咸頓今季係異數，呢隊波於主場踢到曉飛，單計主場評級甚至拍得住部分英超中游球隊，今次對住彼德堡讓得較多，但預計仍可贏波贏盤。