跟風賭未必好

猪拉多纳

　　無論賭馬、賭波抑或炒股票，玩家總喜歡探聽內幕貼士。賭博士與不少馬圈中人都薄有交情，但賭博士發現愈是消息靈通之人，便愈是賭得細，有的甚至不敢去賭。為何如此違反常理？

　　舉個例子，某場賽事你收到風，話甲廐馬定必砌盡；但轉過頭又有消息指乙廐馬銳不可擋，至少贏兩個身位；接着輪到丙廐手足，信誓旦旦指阿頭落了柯打，今鋪不勝無歸。最後得出結論，原來是個個倉都殺聲震天，然而想深一層，究竟何駒才是真命天子？

　　久而久之，你會逐漸對內幕消息失去興趣，甚至覺得是拖累、是妨礙。不聽猶自可，聽了反而影響了個人判斷，於是索性充耳不聞，每個賽日寧願閉門刨馬，到頭來耳根清淨，自得其樂，拋開所有雜亂訊息，結果贏錢更多。

賭博士