華斯路伊「+1」起筷

猪拉多纳

03/11/2011
文： ComboKing

今日歐霸盃多場分組賽，阿King想講Ｄ組羅馬尼亞華斯路伊主場鬥葡萄牙士砵亭。士砵亭分組賽三戰全勝，已篤定晉級，為留力聯賽爭標未必去盡。華斯路伊仲有機會爭出線，主場唔會放軟手腳，士砵亭作客讓波，捧1.9倍「讓球主勝」。（周五凌晨２時開賽）




今場比賽於皮亞特拉尼亞姆西羅爾球場舉行，華斯路伊今屆喺呢度出戰歐洲賽成績彪炳，歐聯第三圈外圍賽曾打和荷甲勁旅川迪，轉戰歐霸盃亦先後擊敗捷克布拉格斯巴達及打和瑞士蘇黎世，三戰保持不敗。雖然佢哋踢咗三場分組賽仲未開齋，不過唯一敗仗係作客不敵榜首士砵亭，整體表現唔係曳，依家佢哋和拉素、蘇黎世同得兩分，出線仍未絕望，主場出擊戰意信得過。


士砵亭夠分冇胃口


士砵亭連盃賽在內近十場比賽全勝，佢哋聯賽目前只落後波圖、賓菲加三分，為免被兩者拋離每場聯賽都不容有失。既然佢哋頭三輪歐霸盃分組賽全勝，已穩奪出線權，今次隨時畀部分主力休息，作客讓波唔抵玩。