主場硬淨報仇良機富咸射爆克拉科夫

猪拉多纳

03/11/2011
文： 亨格比利

歐霸盃K組賽事，富咸會喺主場恭候克拉科夫，雙方上個月喺波蘭交手富咸晨早就打少個，輸波確係情有可原。呢支倫敦球隊主場出擊向來硬淨，今晚再遇克拉科夫有望復仇成功，捧1.94倍「讓球主勝」。（有線64及204周五凌晨4:05直播）


克拉科夫鐵衞坐波監


目前喺K組揸住4分位列次席嘅富咸，上輪造訪克拉科夫踢咗唔夠半個鐘就有迪比利領紅，最終以0:1收場，但查實佢哋喺餘下時間有唔少到肉攻勢，今鋪回師主場當然有望復仇。前鋒迪比利要坐波監，預計森莫亞會夥拍安祖莊臣攻堅，並由丹普西從後支援，鋒力一樣咁堅。




睇番今季戰績，富咸新季主場10戰只曾1敗，當中試過喺英超大炒昆士柏流浪6蛋，並且喺曼城身上搶分成功，主場威力唔講得笑。況且克拉科夫有洪都拉斯鐵衞奧士文查維斯坐波監，早前小組作客川迪都輸到1:4，今晚撞正踢法機動嘅富咸隨時輸鑊勁。