緬恩斯焗打守 細波

猪拉多纳

04/11/2011
文： 蘇斯黑柴

德甲獨腳戲緬恩斯主場鬥史特加，緬恩斯今季入球能力劇降，面對近況較佳兼防守力強嘅史特加欠缺入波本錢，黑柴今仗嘅選擇係小敲1.92倍入球細。




（有線61及201台周六凌晨3時30分直播）




緬恩斯今季放走咗賀治比、舒賀爾尼同基斯甸富治斯等猛將後，整體戰鬥力嚴重下滑，新加盟嘅進攻球員祖普莫亭同安東尼烏查都質素有限，季初只趁對手未Ready連贏兩仗，但此後九場聯賽都無法再贏，近三場聯賽只入一球，仲只係靠角球攻勢由中堅賓格特頭球建功，主場面對降班膽奧格斯堡都入唔到波，前鋒球員根本冇貨交，教練杜曹只有面對現實，將中後場收得較緊，以做好防務為先，今晚面對實力同狀態都高一皮嘅史特加，唔會過分冒險搶攻。


史特加同樣守優於攻


史特加今季演出比預期穩定，主要原因係防線配置理想，踢咗十一場聯賽失球仲只係單位數，防守能力居德甲前四名，新加盟嘅中堅法蘭斯高洛迪古斯同防守中場基斯特表現都極為稱職，不過佢哋攻力亦唔算強，箭頭卡卡奧明顯冇態，近期重新獲得重用嘅普格恩耶克今仗因傷倦勤，喺作客情況下踢法亦唔會太過開放，預期入波唔會多。