馬主論戰

猪拉多纳

好利佳質高橫掃

　　剛啱蔡約翰憑「名馬」同大冷馬「富貴金龍」起孖兼捧盃，神仙部署你真係估佢唔到，今次一於吼實佢手馬。

　　睇好第三場「好利佳」，上季新馬賽贏「華美之星」，後駒再出贏到對手冇得跑，證明賽事水準唔曳，質高馬今次插班初出唔會輸蝕，坐位望贏。另外推介第八場「首飾達寶」，上季一出即勝，質素如何唔使多講，今次做足工夫先上陣，埋門由韋達一手摸實，擺明郁手。

張敬山

銘記心頭咪睇小

　　今日草泥混合賽，通常呢啲日子周時有冷馬跑出，投X都係宜冷忌熱。

　　鍾意尾場「銘記心頭」，上場響泥地1200米贏得好精采，反映場地性能一流，今次跳班兼增程跑一哩，肯定備受忽視，話唔定可以爆冷成功。

　　另外要吼實第九場「勝利福星」，呢隻馬開鑼日已經爆咗鑊杰，上次回氣一仗，今次用到巫斯義操刀唔似陪跑，呢類馬點都會有賠率，實在值得一敲。

任達華

更捷勝捧得過

　　韋達剛戰中三元兼封王，搏殺手風真係好順，唔捧佢點得？鍾意第四場「更捷勝」，今季韋達同高伯新合作過一匹「南陽望族」即刻贏馬，今次佢再替高廐馬效力，擺明係無寶不落格局，一於捧場。

　　另外推介第五場「和牛」，上季初跑1400米即刻贏馬，證明路有專長，今次唞近七個月再上陣，但期間做足晒備戰工夫，狀態一啲問題都冇，繼續跑四班賽惡氣十足，頭馬手到拿來。

寇鴻萍、梁廷鏘