利物浦雙箭主場發威

猪拉多纳

05/11/2011
文： 張志德

今晚英超利物浦主場鬥史雲斯。利物浦上次主場被另一支升班球隊諾域治逼和，今次應會打醒十二分精神。史雲斯今季作客五場輸四場，有幾多料大家有眼睇，紅軍淨贏兩粒冇問題，揀「讓球主勝」。（有線301及201台周六晚11時直播）




利物浦對上兩場主場聯賽都和波，不過一場對手係曼聯，另一場對手諾域治又踢出超水準，失分唔怪得佢哋。睇番紅軍上場作客贏西布朗發揮唔錯，冇話因為一場失利而踢到走晒樣，水準明顯比以往穩定。而且最開心係睇到安祖卡路爾終於搵番射門鞋，配合加盟後一直保持高水準嘅蘇亞雷斯，細鬼對佢哋嘅攻力依然有信心。


史雲斯作客唔夠砌


作為一支升班球隊，史雲斯目前能夠排於聯賽榜中游的確抵讚，不過佢哋主客演出分野好大，開季五場主場未輸過、後防只失一球，但作客五戰輸四次，一共失咗十四球，唯一和波對手只係相同級數嘅狼隊，今次去到晏菲路注定捱打。利物浦已經連續兩場主場贏唔到，今次一定希望踢番場漂亮勝仗去答謝球迷，而且為免好似上次對諾域治領先之下被追和，預計佢哋領先之後都唔會收韁，有望淨勝兩粒開「讓球主勝」。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。