利雲特弗過大佬

猪拉多纳

05/11/2011
文： SAMVO肥叔

今日肥叔有頗多心水，閒話休提，分開英超、德甲同西甲三個戰場同大家分析，先講西甲嘅巴倫西亞打吡，「小蝙蝠」利雲特主場對「大蝙蝠」華倫西亞，利雲特今季異軍突起，排名力壓大佬華倫，打起晒成隊嘅信心，難得主場受讓平半，當然值得追喇！（now 632及660周日清晨5時直播）




利雲特今季頭九輪聯賽不敗一度排榜首，直至上周先至作客輸畀奧沙辛拿斷纜，輸完返回主場有得受讓仲正喇！畢竟利雲特主場表現遠勝作客，四場聯賽主場贏晒，反觀華倫周中剛踢完歐聯，咁快又要應付另一場硬仗，作客讓波梗係捧對家，另一場愛隊馬略卡主場對近況低迷嘅西維爾，平手揀馬略卡。




英超方面，車路士連續幾場失威，今場作客布力般睇好佢哋反彈，至於維拉主場迎戰諾域治，維拉今季主場表現平穩，對住諾域治係需要搶分嘅場合，讓半一盤口合理，捧上盤，而近況咁弗嘅紐卡素主場對愛華頓只係讓平半，冇理由唔揀上盤，反而曼城作客對昆士柏流浪，讓球半實在太多，曼城實力雖強，但盤口唔抵玩，寧願博下盤同大盤。


慕遜加柏長捧冇蝕底


德甲慕遜加柏係肥叔今季愛隊之一，呢隊波好實際，戰績亦硬淨，長捧冇乜蝕底，今場作客哈化柏林受讓平半，隨時贏埋都得，另外多蒙特主場對禾夫斯堡，兩隊都有入球能力，一於捧大盤。


肥叔心水


紐卡素上盤




慕遜加柏下盤

多蒙特大

阿士東維拉上盤

車路士上盤

馬略卡平手盤

昆士柏流浪下盤、大

利雲特下盤