喜伯年歎蘇超最林魚腩

猪拉多纳

05/11/2011
文： ComboKing

阿King今日睇中場蘇超做過關重心，就係喜伯年主場對鄧弗姆林，客隊近期狂瀉，九戰二和七負，而且有多場賽事遭逢大炒，堪稱「蘇超黃大仙」！個人認為喜伯年今晚可淡淡定定「歎魚腩」，主W1.72倍唔算好分，用嚟做膽啱晒。


鄧弗姆林後防穿窿


鄧弗姆林呢支升班馬明顯未達超聯水平，只要仔細啲睇就知道，近八場聯賽足足有一半係失四球或以上，除咗格拉斯哥流浪等班霸之外，其餘二線兵馬瑟韋爾或登地聯等，一樣炒爆佢哋，足以反映鄧軍防守力差到暈，長追對家多數搵到食，今場要信喜伯年。




另一關就揀格拉斯哥流浪主場對登地聯，流浪今季毋須再為歐洲賽分心，所以唔似得死敵些路迪咁周中要搏殺。雖然主將賴史密夫上場重創要長抖，但估計流浪有足夠兵源贏波，而流浪近五次在主場面對登地聯有四次開大，大盤分頭較佳比較值博。




最後一關揀番場西甲馬略卡主場對西維爾，客隊前鋒簡路迪及尼格度都因傷上陣成疑，攻力減弱點在「小島」讓波？今場一於捧受讓嘅主隊。

猪拉多纳