皇馬奧沙半場和宴

猪拉多纳

06/11/2011
文： 法比加輝

皇馬對奧沙辛拿陪你食晚飯！香港直播西甲以來，皇家馬德里首度於早場上陣，於巴拿貝球場迎戰奧沙辛拿。無錯「銀河艦隊」踢早場屬港迷之福，但對球員嚟講就痛苦萬分，事關皇馬呢類大會一向唔使畀面踢早波，一眾大帝亦唔慣早起身比賽，所以今晚若然有所走樣，球迷都唔好怪佢哋。反觀奧沙辛拿八月已嘗過早場滋味，當日仲能作客守和馬德里體育會，有晒早場經驗，加輝決定大膽預計兩軍早場未入局，捧3.4倍半場和。




（now 632及660周日晚7時直播）




皇馬在當地中午十二點踢早場，相信球迷最好奇就係佢哋點樣備戰，領隊莫連奴為咗球員能夠盡早適應，星期五就要佢哋提早起身預演，九點一齊食早餐，然後用餐不久就落球場準備。不過早餐嘅食物就同平時唔同，莫帥命人多煮意大利粉及飯等碳水化合物，另外還有雞及魚等肉類，務求要球員吸收足夠熱量比賽。此外，莫帥亦希望提早進餐可讓球員來得及消化，不過一早起身就要食咁多嘢，食唔食得落都成疑問。


艦隊唔慣晨咁早起身


據悉皇馬當日提早起身，除咗莫連奴鬼打咁精神之外，其餘職球員都未瞓醒，所以「艦隊」踢早場，真係有多少替佢哋擔心。軍情方面，皇馬今場續有卡卡及馬些路因傷缺陣，而法比奧干查奧則上陣成疑。


奧沙辛拿具早場經驗


至於客隊奧沙辛拿，早場經驗一定比皇馬豐富，事關佢哋今季首場聯賽已經被安排踢早場，但奧沙踢落毫不失禮，作客馬體會全場專注防守下，守和○比○拎到一分。




預期奧沙作客巴拿貝都會死守，皇馬未必適應早場下，上半場好可能咬唔入客隊，所以加輝今場推介半場和及細盤畀大家。