卡斯辛奴故事 值得反思

猪拉多纳

06/11/2011
文： Mic少

人生如戲，球場上比賽如此，球員生涯亦一樣，AC米蘭前鋒卡斯辛奴少年得志，但天性輕狂，闖過唔少禍，行咗好多冤枉路，難得重返正途，今季表現大熟大勇，但卻偏偏因為心臟出現問題，需要闊別球場一段時間，只能慨嘆天意弄人。雖然「劇情」老土，但卻值得反思，每人都要珍惜自己天賦本錢，把握每一秒發光發熱，否則空餘恨，就後悔莫及。


AC米蘭殘陣吼細


卡斯辛奴遭逢厄運，最傷莫過於AC米蘭，球隊今季一直靠佢支撐大局，大部分攻勢由佢策劃，伊巴謙莫域失去呢位好拍檔支援，入波機會肯定大打折扣，最大鑊係教練阿里基及兩位中場新貴奇雲保定同洛斯連奴今場都停賽，今晚主場好難咬得入卡坦尼亞，主W1.3倍實在搵笨，寧願要2倍入球細。（周日晚10時開賽）