手頭唔鬆 請遠離賭博

猪拉多纳

06/11/2011
文： 樂比堅尼

朋友S話最近血流成河，要退出賭壇，樂比仔二話不說叫佢退出，因為小弟幾乎每個星期都會退出賭壇，只不過好快又會復出，賭波最緊要係精神面貌好，精神唔好就無謂勉強，要量力而為。




要贏好多好多至夠




要在足球菠菜上無往而不利，首先要面對失敗，因為輸在菠菜過程中係無可避免的，關鍵在於最終你贏定輸，有時你以為在金錢上贏了，卻輸了時間、健康及和親人共聚的美好時光，最後可能得不償失，所以樂比仔的菠菜理念是：要贏好多好多至足夠！


冇錢人愈窮愈見鬼


點樣至可以贏得多？首要條件就係要有好多錢，因為這樣你才輸得起，有錢人賭錢未必一定叻，但冇錢人賭波就肯定輸多贏少，愈窮愈見鬼係永恒道理，所以如果你手頭唔鬆動，請遠離賭博。




是日推介哥連泰斯、洛杉磯銀河、保頓及波爾多，鍾意邊場自己揀。