家傳碧玉輕磅有人撐

猪拉多纳

　　呢幾日落雨場地會有變化，研究熱門馬得唔得，最好查吓佢識唔識打水戰好啲。

　　今次飛數最奇怪嘅，莫過於第七同八場兩匹何廐馬，先講第七場「家傳碧玉」，呢匹馬近兩仗都有30倍以上，上仗無端端轉跑泥地短途，換來60倍分頭，結果得第八名，最初睇何良部署嗰場，仲以為係想減分落四班，但令人奇怪嘅係，隻馬依家60分，其實夠晒條件報第六場四班一哩，但練者又改投番第七場三班賽，隔晚W仲要一度得11倍，始乎睇好呢場有得贏，加上今仗只負110磅，不妨試吓。

喜跑得W飛蠢蠢欲動

　　至於第八場「喜跑得」隔晚W亦蠢蠢欲動，佢今季跑咗四仗，次次最後賠率都有16倍及以上，今次得番9倍左右，睇來係出擊先兆，可能何良想起番個孖都未定。

　　騎師王方面，蘇狄雄特別惹飛，只得9倍，不得不信。

周仲