博華斯高反勝秘大晉級

猪拉多纳

09/11/2011
文： 自由恒

當美職都識讓路畀國際賽期嘅時候，南美洲區球會級比賽繼續有波踢，今個周中就有兩場重要嘅南球盃8強次回合上演，聽朝就有巴甲嘅華斯高主場迎戰秘魯體育大學，主隊有望收復番首回合落後0:2失地，貪賠率要2.88倍華斯高晉級。




（開賽時間：周四早上7:50）




每當國際賽期有球會級比賽進行，就梗係要睇吓有冇國腳畀國家隊徵用，好彩巴西國家隊今個月嘅非洲行，就一個巴甲球員都冇選到，等華斯高可以用最強陣容，收復首回合作客輸0:2嘅失地。


秘魯體育大學作客唔掂


睇番華斯高上一圈成績，雖然16強首回合以1:3作客不敵玻利維亞球會奧羅拉，但次回合返到主場隨即發力，最終更以8:3贏波收復失地，主場威力超強。今次對手秘魯體育大學雖然冇奧羅拉咁曳，但近10次作客都只係贏得1場，係典型嘅南美作客蟲，唔容易保住首回合領先優勢。睇番賠率，華斯高「-1」都係得1.88倍，唔算好吸引，筆者覺得一係就博大啲，要2.88倍華斯高晉級仲好。首回合：華客負0:2