沙士菲「讓球勝」啱胃口

猪拉多纳

10/11/2011
文： 笛子波童

南球盃八強次回合，阿根廷勁旅沙士菲主場鬥哥倫比亞球隊聖達菲。聖達菲今屆能夠進身八強，好大程度同佢哋主場表現好有關，既然首回合未能把握主場之利贏波，今次作客形勢將會更惡劣，波童認為早將全副精神放在南球盃嘅沙士菲可以贏波過關，一於捧2.05倍「讓球主勝」。（廣東體育周五早上8時15分直播、馬會網上文字直播）


聖達菲以往無論參加自由盃或南球盃成績都麻麻，最叻嗰次已經係五十年前於自由盃打入準決賽，睇番佢哋今屆晉級過程表現亦只屬一般，第一圈及十六強都係靠主場贏波才得以晉級，上次八強首回合，佢哋主場原本有一球領先優勢，可惜最終被沙士菲逼和，似已埋下出局伏線。

沙軍全力爭南球盃

沙士菲貴為上季阿甲秋盟主，今季於春季聯賽卻出閘脫腳，依家落後榜首小保加十一分，爭標機會已微乎其微，不過咁樣反而令佢哋冇後顧之憂，可以專心角逐南球盃。球隊今屆五場南球盃比賽未輸過，包括於主場大勝小阿根廷人四比○，表現可靠，只要發揮水準應該可以擊敗聖達菲再過一關，如嫌主W賠率太熱，可敲更有分頭嘅「讓球主勝」。賽制方面，如果兩回合總比數打和，將計算作客入球優惠，如未分勝負的話將不設加時，直接以互射十二碼決勝。