希丁克擺聖誕樹陣迎戰

猪拉多纳

11/11/2011

土耳其領隊希丁克自去年八月上任以嚟，球隊踢咗十四場波，取得七勝三和四負，雖然所勝對手好多係弱旅，但對於青黃不接嘅土耳其嚟講，成績算係唔錯。希丁克出名係「智多星」，佢針對土軍攻力不足問題，今仗會排出「4-3-2-1」聖誕樹陣式，屯重兵做好防務，再向克羅地亞施以偷襲。

務求死守博一球

相對克羅地亞，土耳其攻力肯定較差，希丁克針對呢點，排出聖誕樹陣式絕對可以理解，如果同克羅地亞對攻盞自討苦吃，始終附加賽只求晉級，死守博一球就達到目標，「4-3-2-1」陣式保證中後場有七個球員喺度，塞車都塞死你。


至於攻擊就靠晒前面三個，特拉布宗前鋒爾馬斯會打單箭頭，後邊兩個支援就會係効力馬德里體育會嘅阿達杜蘭及華倫西亞嘅美密特托普，二人都係後生有速度，啱晒呢個打法。