塞浦路斯冇甩蘇

猪拉多纳

11/11/2011
文： 肥叔

講番今次重心推介，塞浦路斯主場對蘇格蘭，捧主隊！蘇格蘭向來靠主場搵食，呢班波踢法硬橋硬馬，最叻死守打突擊，但欠強攻本錢。今次對住塞浦路斯，牌面睇級數較高，但實際並冇優勢。塞浦路斯依家起緊，水準唔算好穩定，不過呢班波主場出戰唔想輸，今次受讓半球盤口有利，下盤絕對博得過。


（周六凌晨2時開賽）

捷克實力不復當年

歐國盃外圍賽附加賽開打，呢類賽事關乎國家隊榮辱，去到關鍵時刻，隊隊都會打真軍，勝在公平公正，明刀明槍，冇話蠱蠱惑惑，每場都會砌畀你睇，投X價值甚高。葡萄牙名氣大所以非常扯飛，今場作客都要讓波，不過波斯尼亞絕對唔係弱旅，呢班波進步得好快，評級不斷提升，今次盤口有利絕對值得留意。


另一場歐國盃外圍賽附加賽捷克主場對黑山，捷克曾屬歐洲一線球隊，近年當地足運發展停滯不前，今時今日仲要靠巴路士同路斯基呢類球員擔大旗，兩人全盛時期確係好犀利，但依家水準已經不復當年，真係唔好睇得太高。黑山進步快，今次受讓有利，呢隻下盤要吼實。