國足贏波 索模趙涵朵即裸跑

猪拉多纳

11/11/2011

國足同伊拉克進行生死戰，內地傳媒一致睇淡，賽前有報道暗示，杜威因唔想背負出局罪人污名，選擇詐傷唔歸隊做逃兵，更有網上調查顯示，43%球迷覺得國足難逃出局命運，不過內地索模趙涵朵認為相信就有奇迹，佢喺微博話假如國足贏波，就會裸跑作為加油方式。

薛高借日本起底

做開模特兒嘅趙涵朵，日前喺微博作出裸跑宣言：「中國男足如果贏伊拉克，我就裸奔。」由於有網友質疑朵朵自我炒作博上位，隨後佢補充話裸跑絕對唔係講笑：「11日我若不裸，這等於涮（騙）了這麼多人（網民）啊，小朵朵期待國足一圓我裸一裸的願望。」


雖然朵朵決心以「身」報國，不過東瀛傳媒就大爆，伊拉克領隊薛高曾經做過賓約哥教練，好熟悉類近烏茲別克嘅塔吉克足球底細，佢曾經利用人脈關係同執教過嘅日本國家隊，交換塔吉克同國足機密情報，互相幫忙爭出線，結果伊拉克上個月順利打沉國足，有薛高做情報收集員，朵朵要達成願望唔容易。