大人對細路開入球騷 日本再o趙塔吉克

猪拉多纳

11/11/2011
文： 走肖

2014年世盃亞洲區第3圈外圍賽最懸殊比數，就係上個月塔吉克淨吞日本8蛋，嗰場波情況慘過小學雞踢街場畀人恰。今晚塔吉克喺C組主場再遇日本，被炒在所難免，何況日本「屈機獸」夏雲拿要同李忠成、前田遼一爭正選，「-2」都要照開「讓球客勝」。


（開賽時間：周五下午5:00）

上仗日本贏8:0

塔吉克係前蘇聯加盟共和國，原本上一圈被敍利亞淘汰，只不過對手派違規球員上陣被褫奪晉級資格，最後至有份踢第3圈分組賽。兩隊上個月碰頭，印象中塔吉克連半場都幾乎過唔到，只係試過靠死球踢個波埋龍門博大霧，最後淨輸8球，如果當日你有睇呢場波，就會同意：「其實輸得少o架啦！」


事實上，今次日本除咗前鋒本田圭佑同左閘長友佑都因傷冇歸隊，基本上已召入所有主力，包括上次對塔吉克首次喺國際賽打正選，梅開二度嘅1米94「屈機獸」夏雲拿，領隊沙哲朗尼更講明，佢要同李忠成、前田遼一爭奪正箭頭位置，現時日本同烏茲別克同得7分，為爭首名唔會留手，入球騷唔難開啫。