阿德黃金聯開入球騷

猪拉多纳

11/11/2011
文： KIT

今周係國際賽期，歐洲主流聯賽休息，球迷選擇有限，好彩仲有澳職，所以我哋球彩台今個周末一於加料直播3場，大家晏晝可以邊睇邊玩！今日率先打頭陣嘅係今季走晒樣嘅阿德萊德聯對黃金海岸聯，小妹心水推介2.05倍入球大。


（有線64及204周五下午5:00直播）


以阿德萊德聯今季嘅表現同走勢，都幾難有份踢季後賽！沙治奧雲迪克長期缺態，班波只靠大腦維度錫單打獨鬥，任佢扭盡六壬，但班後防配合唔到呢，成班好似做咗雪糕筒咁，畀對手話過就過。門將加利高域救完又失，都無心機踢啦！但勝在班波入球能力唔曳，對上4場至少有1球進帳，先至輸得冇咁難睇。


「阿德聯」有維度錫咩！黃金海岸聯亦有占士布朗一樣咁弗，至今亦有3球進帳，呢位球員踢埋呢場就要返奧運隊報到，今日一定會盡全力。由於雙方今季成績都唔算好，今仗對住同級對手梗係想盡快攞3分振奮士氣，鬥志十足下，今日晏晝應該有一番激戰，入球大值得一試。