蔡廐「窘局」何日破？

猪拉多纳

　　因循，唔代表墨守成規，亦唔係話死牛一邊頸，有時候，事實擺在眼前，任由幾鍾意包拗頸嘅人，也應該略略客觀去睇，太過主觀或未加以了解便作出否定，未必有錯，但唔會次次啱。

　　谷草新勝馬凶多吉少

　　正如，日前同文Jack一篇文章所指，原來蔡約翰馬房嘅谷草新勝馬，翌仗再出凶多吉少，結果周中兩駒「點石成金」及「安穩」，只得前駒有P，後駒由第1變第7。

　　累計落嚟，上季至今，蔡廐13匹谷草新勝馬再出得兩場位置，上名率低至15%，完全唔似大馬房風格。

　　究竟點解會有咁嘅情況出現，可能問番蔡約翰亦唔多清楚（或者佢冇放喺心？）。總之，鐵一般事實擺喺眼前，唔到我哋唔信／挑戰。

　　而查過對上1匹蔡廐谷草新勝馬可打叠W，已經數到10年3月17日「精算攻略」（贏完谷草1650米，翌仗勝出田草1600米。），距今超過年半有多。

　　呢個蔡廐「窘局」幾時會有突破？由咩馬負起呢個重任？我都好想知，不過，如果冇咩好大變動，唔係出現反高潮，依然繼續輸多而上名少，要點看待嗰批馬，大家自己用心中把尺度度吧。

馬會賽馬節目主持　洪禮賢