慕遜加柏做東食住不來梅

猪拉多纳

19/11/2011


除咗國家打吡，德甲頭場亦安排三、四名對決，慕遜加柏主場鬥不來梅，相比之下慕遜加柏主場戰績更加穩定，往績亦秤先，小讓平半捧上盤。




（有線61及64台周六晚10時30分直播）




雙方今季走勢拍住上，季初彈出，較早前雙雙都試過三戰只得一分低潮，近期又雙雙兩連勝，相比之前慕遜加柏低潮因為箭頭迪甘馬高同波巴迪拿雙雙因傷缺陣，但有料教頭法夫爾將國腳新星馬高列奧斯推前解決問題，球隊至今聯賽主場四勝二和保持不敗，近九次主場對不來梅亦六勝一和，值得信賴。




不來梅上仗靠科隆末段得九人應戰至反勝，今季進攻過份倚賴比沙路，但秘魯老將啱啱踢完世杯外圍賽返國未回氣，作客惡唔出樣。