巴塞兵疲「-2」博「和」

猪拉多纳

19/11/2011
文： 力奇

喺西甲畀宿敵皇馬甩開3分嘅巴塞隆拿，今晚返主場迎戰弱旅薩拉戈薩，要攞3分應該十拿九穩，不過考慮到以美斯為首等南美國腳踢完國際賽，經過舟車勞頓，今仗未必會踢足全場，大捷機會唔高，巴塞讓2球，力奇今場建議大家冷敲4.5倍「讓球和」。




（now632及660台周日凌晨3:00直播）


薩拉戈薩近況差


雖然係西甲唯一不敗之師，但巴塞家陣只以11戰得25分排次席，落後皇馬3分，唔想畀對手拋甩今仗3分自然志在必得。不過，以為佢哋搏盡求大勝咩？始終陣中唔少星級主力之前都搏完國際賽，主帥哥迪奧拿未必想用得佢哋太盡。事實上，包括美斯、馬斯真蘭奴同阿歷斯山齊士等南美兵周四先歸隊，尋日先復操，今仗隨時先做後備。當地甚至有消息傳出，話西班牙U21小將堤亞高艾簡達拿今仗會擔大旗添！




薩拉戈薩呢邊目前排16位，近4場聯賽得1和3負質態俱差，嚟到魯營球場根本難逃一敗！佢哋近4季聯賽作客巴塞全敗，擺明唔夠砌，加上巴拉圭守將保羅達施華都要養傷，惟有寄望巴塞半力落場，攞埋第2球保險球收夠籌，輸兩球開「讓球和」算有交代啦！