馬主論戰

猪拉多纳

蘇保羅呼風喚雨

　　蘇保羅今日只係獨派一隻「呼風喚雨」上陣，我睇好佢可以贏得。上季跑十一場只係得一席季軍，表現無疑令人失望，但評分都因此減咗好多，上場響谷草1800米後上入Q，終於有番啲嘢睇，七歲馬難得回勇，唔會有任何保留，轉跑田草1800米一定鍊盡。

　　另外推介頭場「真慷慨」，上場加眼罩即刻有好表現，今次繼續用呢個配備，睇怕都係時候出頭，一於捧場。

張敬山

捧姚廐馬豐衣足食

　　姚本輝剛戰雖不在港，但依然中三元，搏殺手風真係好順。今日姚廐出馬唔多，不過都有實力馬在陣，話唔定繼續有馬贏，推介第九場「豐衣足食」，跨季六戰取得四亞一季，演出真係好準，未能贏馬只係欠啲運氣，今次對手終於冇咁強，係時候坐正。

　　另外鍾意第三場「財神駕到」，上次廐侶「樂有贏」一出即勝，證明馬房部署初出馬的確有一手，今次呢隻馬都唔可以太過睇小。

任達華

時尚風采一網打盡

　　今日有幾場大賽舉行，戲碼夠晒強，估計會有連番激鬥。馬會短途錦標嗰場，我睇好「時尚風采」，季初捧走特首盃已證明健康好番晒，上場雖然姍姍來遲，但末段追勢其實唔曳，今次隨時可將對手一網打盡。

　　至於馬會盃嗰場，我鍾意「加州萬里」，上場單跑一條直路過晒對手，末段造出21.89秒嘅超快時間，證明呢隻馬仔實力同鬥心兼備，今次加程更啱佢跑，可再贏。

寇鴻萍、梁廷鏘