揚威寶幸運來夢想家真慷慨 續領風騷陽明飛飛喜勁飛自由港

猪拉多纳

　　田草B+2欄上演賽事，普遍不利追，尤其在短途，情況更為明顯，至於排檔則不太考究。

　　
　　今日紀仁安大軍壓境，手上好多實力馬，正常預測應有頭馬在其中。不過，韋達、柏寶、白德民也同樣具餐士坐騎，不宜太過偏重前者。

重心場次　第5場　第三班（80-60分）1200米

　　「最著數」馬房不利新勝馬（對上1匹為2月「尊皇騰龍」），但上場締速快（今季11場四班此程最快），而結合去季賽績，沒有理由三班唔夠，如太冷，不妨追多場。

　　「齊歡唱」跑低半班，又轉用十磅仔，雙重優惠下，大有提升名次動力。「肥仔糖」2檔或令處境比上賽好，有權威脅。「帝豪駿駒」未睇晒底牌，只擔心外檔令沿路比較蝕。

　　「首飾達寶」加罩有多大幫助要估，至於上賽究竟係跑線影響，或是未開氣，今場會知道。「天外之天」及「光輝出擊」乃TF配腳之選。

第1場　第四班（60-40分） 1400米

　　「揚威寶」早於上賽前已覺早課吸引，但一日未加程，總係擔心路程唔啱，終於今賽落班首仗轉程，又加埋配件（8月尾戴眼罩試大閘已及格），睇嚟吼準今場。

　　「夢想家」有級數，希望有兩大閘，夠晒開氣程序。「幸運來」跑兩場後，復課有大閘安排，有晒手影。「真慷慨」、「白鹿勁」及「傑出君子」，各有不足，卻不排除有P。

第2場　第五班（40-0分） 1800米

　　「暖在心頭」馬重回落，大致上跑夠，肯轉回田草，又繼續跑長途，漸有留意價值，如冷勿忘。「綠駿群英」及「喜相逢」，始終係五班中長途的一線馬，賠率熱，也不宜太挑剔。

　　「呼風喚雨」及「大衛金剛」，俱為失準難靠，但如跑出水準，要上名唔係冇資格。「金滿貫」若步速不快，以其跑法或可偷襲。

第3場　第四班（60-40分） 1200米

　　「錦衣衛」及「太陽好好」，剛在同程入Q，彼此卻證明不多，因前駒在早段拖得慢才得益，後駒跑落唔會係短途材料，所以，過熱不值博，礙於對手有限才看好。

　　「捉金」與「感恩」，一對初出馬，大閘試來有瑕疵，在今場卻已經揀得上手。「上海先鋒」及「熱錢」，實力在四班中下級，跑得好才有P望。

第4場　第四班（60-40分）1400米

　　「精彩遊戲」與「齊歌唱」，各有各賣點，前駒初出路短入P，已是實力證明，加程應會好；後駒初出發揮眼冤，直路用咗好多時間轉位，一樣追得勁，亦唔簡單。

　　「童夢」、「雄心馬主」實力不足，最多三三四四。「皇仁勁駒」1檔而步速唔快，可能會喺盲門路程輸近。「好好機會」剛賽跑到「住」菜，完全唔似佢，回一回或唔同。

第6場　二級賽（3歲及以上） 1200米

　　「XX繽紛」唔使讓磅，又少負6磅，條件會比上場有利。「讚惑」贏完繼續磨，有冇高估佢，今仗應有眉目。

　　「小橋流水」及「富貴金龍」，今賽條件以前駒較理想。

　　「共創未來」如果用柏寶而略調節跑法，比上賽跑得較被動，直路鬥唧一段，有機會爭一席。「時尚風采」外檔不易跑出最好水準。

第7場　二級賽（3歲及以上） 2000米

　　「加州萬里」再遇「自由好」，要看看彼此取位如何，事實上，剛仗如非出彎太蝕位，後駒未必衝輸。

　　「魔法幻影」熱身後改戰此程，憑級數夠入圍有凸。「好先生」情況與前駒近似。「曬冷王」工夫唔似樣。「至勇威龍」歷季第2仗例入圍，且看能否跑回上季金盃入Q時表現。

第8場　二級賽（3歲及以上） 1600米

　　「雄心威龍」今季初出以「行過」姿態贏「卡達聖」，上番此程只會仲勁。

　　「軍事攻略」跑至第2場已幾乎可以贏，狀態一經熱身便到位，好開唔難喼，最好拖番住。

　　「步步穩」繼續擺前走，如沒有對手刻意燒，末段或比上賽更韌。

　　「君子一言」跑完做得嘢，又唔使點唞就再跑，縱1600米可能掹掹緊，建議拖埋此匹質高體弱馬。再揀落去會係「締造美麗」及「卡達聖」。

第9場　第三班（80-60分） 1400米

　　「豐衣足食」年幾冇贏，就算鍾意都唔認為可博W，睇在準繩份上，Q膽。「芙蓉威龍」評分高點，隨時斷纜，漸有危機，係買今場佢跑法或着數。

　　「幸運金龍」如前置，處身呢場未必好跑，不過，加程卻好。「威老虎」初出人馬各有各論盡，一樣有Q，冇理由有經驗後，又肯轉場，會冇進步。「奪寶」唔係賽事形勢欠佳，其實有冷味。「沙場王子」上場入P水準，事後睇唔算叻，惟增程會啱腳法。

第10場　第二班（100-80分） 1600米

　　「續領風騷」跨季輸幾場，1分都唔減，評磅員的堅持，倒是曲線支持此駒，而早說過以去季入圍水準，已值級際水平，寄望換人及轉程，能以真面目示人。

　　「陽明飛飛」初出贏到似匹星球馬，上二班唔覺有問題。「喜勁飛」路程正宗，但要贏，必先過兩關。

　　「自由港」當打，但要考驗其能力了。「滿地金」唔等降班的話，今場或有三至五名。

馬會賽馬節目主持　洪禮賢