萬人迷清脆利落勁信心乘奔御風 風火神駒鷹之團皇帝法令活力飛駒

猪拉多纳

　　根據去季尾及季內C欄賽果，總括而言不利太被動跑法，前置及守好位會較着數，同時，排中內檔之馬會有天然優勢。由於柏寶停賽關係，不少嫡系實力馬落入其他騎師手中，初步睇最有so應該係安國倫，睇吓執唔執到一兩場W。

重心場次　第10場　第二班（100-80分）1000米草地

　　「風火神駒」向來唞夠威力大，隔了兩個月再跑，期間唔係冇做嘢，賽前大閘一如以往，以快時間輕勝，近況唔係冇。呢場連降兩班，續跑直路賽，形勢與上賽差天共地。

　　「鷹之團」回到正宗路程，與上場環境唔同晒，突然跑番好，大條道理。「皇帝法令」好大機會貼欄順走，跑法及跑線有利，只要唔係畀「錢照贏」燒瓜，三甲可望。

　　「活力飛駒」跑回前仗入圍水準，足以起作用。「延續美麗」1檔困境，且看早段如何處理。「活力至寶」賽前工夫唔正常，如果唔係，以佢前仗同程在不利跑線仍追得唔錯，冷門有得博。

第1場　第四班（60-40分）1400米草地

　　「超級精神」一再遇班內舊馬而跑得好，今次置身條件賽，級數贏晒。「風雲」弗咗好耐，加程亦會好，第二勢力。

　　「福譽」剛仗輸近水準普通。「首飾孖寶」進度唔算嚟得快，跑質。「五星酒店」冇預期進展得咁快，不過，用郭能可能食得住，而轉1400米總好過繼續跑短途。

第2場　第四班（60-40分） 1000米草地

　　「藍城堡馬」試閘大勝，姿態輕鬆，時間唔錯，如臨場及閘前不似上賽咁忟，應該跑得好好睇睇。「鄉村活力」勝後走樣，唯一可用轉程為藉口，回到直路賽再畀機會。

　　「真誠真意」試800米大閘姿態好過谷閘，初出選擇直路賽實際，論進度係幾匹新馬中較佳。「活力駿駒」及「好歌」，前駒上仗季內初出表現符合預期；後駒排檔有利，可視作邊線馬。

第3場　第五班（40-10分）1400米草地

　　「野馬」早於大前仗一哩已有追勢，之後兩場愈輸愈遠，但有晒藉口（前仗無啦啦放頭、上賽唔啱泥地），當係落班前「洗禮」！今仗轉配件而跑番曾勝路程，似係真波。「團隊福星」上季尾已試準此程能力，跑至季內第4仗，而賽前冇配件試閘，全程試得暢順，大致上進度而起，要提防。

　　「放縱」一味靠放，C欄會啱。「上浦駿將」及「英雄得勝」，俱有班利，此程性能則要估。

第4場　第四班（60-40分） 1400米草地

　　「利駿」循序漸進增程，終於報1400米，應係目標。其實上場唔係直路跑到拖泥帶水，根本有權上名，希望安國倫汲取教訓，今場發揮會醒啲。

　　「和牛」及「松風」，跑法在今場會佔優。「出人意表」今季跑得操得係好事，而本身唔係短途馬，跑到夠轉中距離，開始有危險性。「搖滾雄豐」9檔尷尬；「美的人生」大閘唔算貫注，但計實力則有得爭。

第5場　第四班（60-40分） 1200米泥地

　　「萬人迷」因應今日場地或有得追，佢末段咁爆得，加上，回降四班，對手唔同，直路點都有得衝。「勁信心」與「清脆利落」，跑法相近，又排到好位，正路配腳。

　　「寶貝」和「乘奔御風」，此程有根據，不過，前駒上場跑得幾盡，後駒10檔可能頂在三叠，要博際遇。「一定快」與「好利佳」，礙於近績關係，難予信心，如二揀一，還是後駒較可取。

第6場　第四班（60-40分） 1600米草地

　　「領彩」初出未開氣喺此程可入Q，的確好有難度，按理熱完身將有提升。

　　上場3匹串T馬：「足智多謀」連搏3場，體力有疑問；「京城三寶」贏完，隨時冇影；「明旺」搵啱跑法，又試好配備，再有機會喼到水準。

　　「家傳碧玉」兜兜轉轉回到此程，之前有冇睇錯佢，呢場應有最後答案。「翔龍」按之前兩場走勢，跑長200米會令能力略增加。

　　「新力多」完全唔鍾意上賽騎師死留手法，因應今賽或冇馬放，佢排2檔，如白德民肯帶，隨時放到。

第7場　第三班（85-60分）1800米草地

　　「智多飛」屬少數此廐長期保持穩定表現之馬，呢場跑番長途，本來有勝機，惜賽前曾缺課，睇吓對進度有幾多影響。「中環英雄」和「精嘜」，剛於此程齊齊入前列，如前駒失準，此兩駒最有資格問鼎。

　　「佳景良駒」負107磅，又跑番正宗路程，冷可博。「紅跑車」兩W後正在回氣。

第8場　第三班（80-60分）1200米泥地

　　「明達」及「綠色寶」，計卡士最高，前駒如肯執番正跑法，根本二班都夠揮。後駒上場唔利追一樣贏到，顯見加罩及轉場有幾大幫助。

　　「拼勁」今日場地未必咁啱，要好似上場咁再放入三甲，已有難度。「常山鳳寶」位好，此程可應付，邊線馬。「叻叻仔」操練曾放緩，不過，之前連試大閘，做得番工夫，而本身唔係冇分喺手，大冷門。

第9場　第一班（110-90分） 1400米草地

　　「傾力之城」唔喺group跑，仲要跑番強項1400米，又有埋內檔，只要唔係亂放，有力帶返。「甜將」實力及近況可信，但14檔，要博；「齊歡笑」排一檔要揀埋。

　　「歡呼星」終於重戴眼罩，以及回跑此程，有望重現威力。「甜橙」只係準；「多采多姿」星味不夠，只宜作配。

第11場　第三班（85-60分） 1400米草地

　　「確叻迅」首次落三班，實力比大部分對手高，而上賽跑得差都輸近，證明暑後唔係冇狀態，終於肯換人及轉場，或現真身。「精彩日子」初出即勝，前景唔使講。

　　「紅旗勇將」及「吉利大師」，轉到1400米，輸點經驗，實力在三班則夠。「榮進蜜運」縮回此程會比1600米合適。「傳奇快車」剛仗跑得太差，評分盡可能性較大。

馬會賽馬節目主持　洪禮賢