位置夠辣真誠真意

猪拉多纳

　　賽前原本以為韋達好多匹坐騎會係大熱，但噚日睇飛又發現，佢九匹坐騎只得「藍城堡馬」同「精彩日子」係大熱門，後駒有晒證明，可以放心捧場，至於前駒，最多拖腳算了。

　　明顯有怪飛嘅，應該係第二場苗廐「真誠真意」，同程贏過嘅「鄉村活力」及獨贏大熱門「藍城堡馬」個位置，都唔夠佢嚟，「真誠真意」個P敢賣至1.9倍，一度成為大熱咁穩陣，究竟點解？應該同佢早前試嗰兩課閘有關。

　　話說呢匹馬來港後試嘅第一個閘係田草800米，嗰次佢壓倒其後一出即勝嘅「樂有贏」獲冠。第二次試谷草1000米閘雖然輸畀「好笑容」三個馬位獲亞，但「好笑容」試閘後再出就贏，「真誠真意」有幾多料，大家心照。

　　郭能騎師王落飛

　　騎師王方面，唔係話韋達1.75倍唔好，不過開盤冇耐，郭能已由30倍落至20倍，要留意。

周仲